«AUDİT-AZƏRBAYCAN» İCTİMAİ BİRLİYİNİN BEYNƏLXALQ ƏLAQƏLƏRİ

“Audit-Azərbaycan” İctimai Birliyi Avropa Daxili Auditorlar İnstitutları Konfederasiyasının (ECIIA) 2004-cü il 9 oktyabr tarixində İstanbulda keçirdiyi Baş Assambleyasının yığıncağında bu qurumun üzvlüyünə qəbul olunmuşdur.

 2007-ci ildə isə Birlik Asiya Daxili Auditorlar İnstitutları Konfederasiyasına (ACIIA) assosiativ üzv qəbul edilmişdir.

2007-ci il sentyabrın 21-də “Audit-Azərbaycan” İctimai Birliyi ilə Çin Daxili Auditorlar İnstitutu arasında Pekin şəhərində anlaşma Memorandumu imzalanmışdır. 9 maddədən ibarət bu Memoranduma əsasən tərəflər qarşılıqlı informasiya və təcrübə mübadiləsi aparacaq, birgə seminarlar və konfranslar təşkil edəcək, tədris vəsaitləri və metodik göstərişlər hazırlayacaq, müvafiq şərh və tövsiyələrin hazırlanmasını təşkil edəcəklər.  2008-ci ildə “Audit-Azərbaycan” İctimai Birliyi ilə Çin Daxili Auditorlar İnstitutunun birgə  birinci seminarın keçirilməsi planlaşdırılır.

«AUDİT-AZƏRBAYCAN» İCTİMAİ BİRLİYİ NÜMAYƏNDƏ HEYƏTLƏRİNİN BEYNƏLXALQ VƏ REGİONAL TƏDBİRLƏRDƏ İŞTİRAKI

“Audit-Azərbaycan” İctimai Birliyinin əməkdaşları Daxili Auditorlar İnstitutunun beynəlxalq tədbirlərində müntəzəm olaraq iştirak edirlər.

2007-ci ilin 5-12 iyul tarixlərində Hollandiyanın Amsterdam şəhərində keçirilmiş Avropa Daxili Audit İnstitutları Konfederasiyasının (ECIIA) Baş Assambleyasında, Qlobal Şurasında və Daxili Auditorlar İnstitutunun (IIA)  illik konfransında “Audit-Azərbaycan” İctimai Birliyini R.Qənizadə və Q.Bayramov təmsil etmişdir.