Təsərrüfat subyektlərinin nəzərinə!

Təsərrüfat subyektlərinin idarə edilməsinin səmərəliliyinin artırılması məqsədi ilə daxili audit xidmətinin təşkilinin və həyata keçirilməsinin hüquqi əsaslarını, daxili auditorların hüquq və vəzifələrini müəyyən edən, Azərbaycan Respublikasının Prezidenti cənab İlham Əliyevin 2007-ci il 29 iyun tarixli Fərmanı ilə qüvvəyə minmiş “Daxili audit haqqında” Azərbaycan Respublikası Qanununun icrasını təmin etmək üçün və Azərbaycan Respublikası Nazirlər Kabinetinin “Məcburi auditin obyekti olan təsərrüfat subyektləri üzrə “Daxili audit haqqında” Azərbaycan Respublikası Qanununun mərhələlərlə tətbiqi müddətləri”nin təsdiq edilməsi barədə” 2007-ci il 5 oktyabr tarixli 155 nömrəli qərarına uyğun olaraq, Azərbaycan Respublikasının Auditorlar Palatası və beynəlxalq Daxili Auditorlar İnstitutunun (IIA) Azərbaycan bölməsi – Azərbaycan Daxili Auditorlar İnstitutu daxili auditor kadrlarının hazırlanması üzrə kurslar keçirir.

Kurslar ödənişlidir. Yekunda iştirakçılara daxili auditor sertifikatları təqdim edilir.

Maraqlananlar 2009-cu il 9 fevral tarixinədək Azərbaycan Respublikası Auditorlar Palatasının Elmi tədqiqat və tədris mərkəzinə müraciət edə bilərlər.

Ünvan: Bakı şəhəri, S.Y.Bakuvi küçəsi, 14.

Əlaqə telefonları: 465-65-35; 465-65-48.