YERİNƏ YETİRİLMİŞ MÜQAVİLƏLƏRİN ORTA MƏBLƏĞİ»
MÜSABİQƏSİNƏ YEKUN VURULMUŞDUR

Azərbaycan Respublikası Auditorlar Palatasının Şurası 2009-cu il 5 avqust tarixli iclasında Auditorlar Palatası Şurasının 2003-cü il 8 iyul tarixli 114/1 saylı qərarı ilə təsdiq edilmiş (Palata Şurasının 2005-ci il 13 may tarixli  148/2  saylı  və 2007-ci il 29 mart tarixli  177/3 saylı qərarları ilə dəyişiklik və əlavələr edilmiş) Əsasnaməyə  müvafiq olaraq, yerli auditor təşkilatları və sərbəst auditorlar tərəfindən ilin yekununa görə məcburi audit subyektləri üzrə yerinə yetirilmiş müqavilələrin məbləği  barədə müsabiqəyə yekun vurulmuşdur.
İlin yekununa görə, ən yüksək nəticə göstərmiş sərbəst auditorlardan Mübariz Əkbərov, auditor təşkilatlarından «Baker Tilly Audit Azərbaycan» məhdud məsuliyyətli cəmiyyəti (idarəedici partnyor Kamran  Rəhimov) və auditor təşkilatının tərkibində fəaliyyət göstərən auditorlardan Zakir Əliyev («Central Asia Business Consultants, LTD» məhdud məsuliyyətli auditor şirkəti) 2008-ci ilin qalibləri hesab edilərək, onlara  diplom və xatirə  hədiyyəsi  verilməsi qərara alınmışdır.
Müsabiqədə  ikinci nəticə göstərmiş sərbəst auditorlardan Səməd  İsgəndərov, auditor təşkilatlarından «AZAUDİT» məhdud məsuliyyətli cəmiyyəti (baş direktor Afiq İsrəfilov) və auditor təşkilatının tərkibində fəaliyyət göstərən auditorlardan Elçin Fərəcov («Eskort» məhdud məsuliyyətli cəmiyyəti) diplom və xatirə hədiyyəsinə layiq görülmüşlər.
2008-ci ilin yekununda üçüncü nəticə göstərmiş sərbəst auditorlardan Elçin  Əliyevə, auditor təşkilatlarından «Central Asia Business Consultants, LTD» məhdud məsuliyyətli auditor şirkətinə (direktor Əbdüləzim Babayev) və auditor təşkilatının tərkibində fəaliyyət göstərən auditorlardan Tamerlan  Heydərova («Kaspian Konsaltinq» auditor  şirkəti)  diplom və xatirə hədiyyəsi veriləcəkdir.
Palata Şurasının qərarında, həmçinin,  sərbəst auditorlar və auditor təşkilatlarından Şirxan Gülməmmədov, Hafiz Əhmədov, Şərif Bəşirov, İlham Ələkbərov, Vaqif  Məmmədov, Alqış Nuriyev, Eminağa  Fətullayev və  Məmmədəli Bayramovun, «Zaman-Audit» məhdud məsuliyyətli cəmiyyəti (direktor Hüseyn Cəbiyev), Lənkəran şəhər auditor təşkilatı (direktor Fərhəddin Hüseynov), Naxıçıvan MR auditor təşkilatı (direktor Elxan Bayramov), Gəncə şəhər auditor təşkilatı (direktor Natiq Məmmədov), Şəmkir rayon auditor təşkilatı (direktor Musa Sadıqov) və «Ərəş-Audit» məhdud məsuliyyətli cəmiyyətinin (direktor Otello Eminov) orta müqavilə məbləğlərinin çox aşağı olması  qeyd edilmişdir.


Qənaət VƏLİYEVA,
Auditorlar Palatası Auditin təşkili və
tənzimlənməsi şöbəsi müdirinin müavini