Auditorlar Palatasının nümayəndə heyəti Dünya Bankının Maliyyə Hesabatlılığı üzrə İslahatlar Mərkəzi (CFRR) tərəfindən Şərq tərəfdaşlığı ölkələri üçün “STAREP” Proqramı çərçivəsində 2018-ci il 26-27 aprel tarixlərində Avstriyanın Vyana şəhərində təşkil edilmiş tədbirdə iştirak etmişdir.
2018-04-27
Auditorlar Palatasının nümayəndə heyəti Dünya Bankının Maliyyə Hesabatlılığı üzrə İslahatlar Mərkəzi (CFRR) tərəfindən Şərq tərəfdaşlığı ölkələri üçün
“STAREP” Proqramı çərçivəsində 2018-ci il 26-27 aprel tarixlərində Avstriyanın Vyana şəhərində təşkil edilmiş tədbirdə iştirak etmişdir.
Dünya Bankının Maliyyə Hesabatlılığı üzrə İslahatlar Mərkəzi (CFRR) tərəfindən Şərq tərəfdaşlığı ölkələri üçün “STAREP” Proqramı çərçivəsində 2018-ci il 26-27 aprel tarixlərində Avstriyanın Vyana şəhərində təşkil edilmiş "Audit keyfiyyətinin təminatı sistemlərinin inkişaf etdiriliməsi: tendensiyalar və imkanlar" mövzusunda keçirilmiş seminarda Azərbaycan Respublikası Auditorlar Palatasının sədri Vahid Novruzovun rəhbərlik etdiyi ilə nümayəndə heyəti: Sədrin elmi-metodik məsələlər üzrə müşaviri Nəcəf Talıbov, Palata Şurası yanında Standartlaşdırma və metodologiya üzrə komitənin sədri Namiq Abbaslı və Keyfiyyətə nəzarət Komitəsinin sədr müavini Nazim Axundov iştirak etmişdir.
Tədbirdə İsveçrə Federal audit nəzarəti orqanının, İngiltərə və Uelsin diplomlu mühasiblər İnstitutunun auditin keyfiyyərinə nəzarətlə bağlı geniş məruzələr dinlənilmiş, Makedoniya və Rumıniyanın bu sahədəki təcrübələri ilə tanış olunmuşdur.
Seminar zamanı iştirakçı ölkələrin - Azərbaycan, Gürcüstan, Qırğızıstan, Ukraina,Belarus və Moldova respublikalarının nümayəndə heyətləri öz ölkələrində olan auditin keyfiyyətinə nəzarət sistemlərinə dair təqdimatlar etmişlər.
Tədbirdə “Azərbaycan Respublikasında auditin keyfiyyətinə nəzarət sistemi: mövcud vəziyyət və inkişaf istiqamətləri” mövzusunda məruzə ilə çıxış edilmişdir. Çıxış zamanı tədbir iştirakçılarına ölkəmizdə son dövrlərdə aparılan iqtisadi islahatlar və struktur dəyişiklikləri, Auditorlar Palatası tərəfindən auditor xidmətinin tənzimlənməsi istiqamətində görülən işlər barədə geniş məlumat verilmiş, çoxsaylı suallar cavablandırılmışdır.