Abbaslı Namiq Rasim oğlu

Abbaslı Namiq Rasim oğlu 25 aprel 1971-ci ildə Tovuz şəhərində anadan olmuşdur.

1988-ci ildə A.S.Puşkin adına Tovuz şəhər orta məktəbini bitirmişdir və  N.A.Voznesenski adına Leninqrad Maliyyə-İqtisad İnstitutunun Bakı filialına (sonradan Azərbaycan Dövlət İqtisad İnstitutu) daxil olmuşdur.

1993-cü ildə Azərbaycan Dövlət İqtisad İnstitutunun İstehsalın iqtisadiyyatı və idarə edilməsi fakültəsini bitirmişdir. 

1994-1996-cı illdərdə Azərbaycan Respublikası Silahlı Qüvvələrində həqiqi hərbi xidmətdə olmuşdur.

1992-1999-cu illərdə müxtəlif müəssisələrdə mühasib və Baş mühasib vəzifələrində işləmişdir.

2000-ci  ildən Azərbaycan Respublikası Auditorlar Palatasının üzvüdür.

2004-cü ildən Beynəlxalq Daxili Auditorlar İnstitutunun (IIA) üzvüdür.

2000-2014-cü illərdə Sərbəst auditor kimi fəaliyyət göstərmişdir. 2014-cü ildən hal-hazıradək “ANR Audit” MMC-nin direktor-auditoru kimi fəaliyyətini davam etdirir.

2004 - 2014-cü illərdə Auditorlar Palatasının Şura üzvü olmuşdur.

Auditorlar Palatasının üzvü kimi bir çox xarici ölkələrdə keçirilmiş konfrans və seminarlarda iştirak etmişdir. 2011-ci ildə Auditorlar Palatası tərəfindən dərc edilmiş “Audit” dərs vəsaitinin müəlliflərindən biridir.

2008-ci ildə Auditorlar Palatası tərəfindən  “Fəxri auditor” adı verilmişdir.

Azərbaycan Respublikası Prezidentinin 2016-cı il 04 aprel tarixli 1934 nömrəli Sərəncamı ilə auditor xidmətinin inkişafındakı xidmətlərinə görə “Tərəqqi” medalı ilə təltif edilmişdir.

 

 

Qalareya